من تحت لي تحت

قصيد للشاعر الكبير حامد زيد
من تحت لي تحت

لو تعرف الخطايا كيف كنت مرحوم
كان سود الليالي يوم طحت اسمحت
ولو هموم المفارق مثل كل الهموم
كان ما تشوفون عيني بالدموع اسبحت
ولو تحن المشاكل بعد حب الخشوم
كان حبيت خشم المشكله و استحت
بين صدت عزيز وكبرياء مهزوم
عين شحت علي وعينن استسمحت
بس ما الله خلقني من بكاي معصوم
وادري ان المحاجر لو تفيض افضحت
والله اني على جرحي صبور وكتوم
لاكن ان الدموع ان روحت روحت
اعذلتني ضروفي وانهكتني اعزوم
والوجيه احزنت لي القلوب افرحت
والله ان الليالي ما تعرف السلوم
قلب جافي لقاه ووجه صافي بحت
راهنت لي تبلل بالدموع الكموم
ويشهد الله عليها راهنت واربحت
احرمت نور عيني من غلا ريم دوم
بذرتن وارتوتني واثمرت واطرحت
جادلن دوم ما هي مثلها كل يوم
استضاحت غموض وبالغموض اوضحت
دورت بين قلبي والهدب درب نوم
وامرحت وين مدري المهم امرحت
تنحت اسمي بقلب جيت فيه امعزوم
واسمها بين جلدي والعظام انحت
مثل جفني لعيني بالنعاس محكوم
كل ما نمت نامت وكل ما اصحى صحت
ما تعارض كلامي غير عند اللزوم
بس لا قمت اسولف واندمجت اسرحت
دايم ازعل عليها بس قلبي رحوم
وهي تموت بعذابي من تحت لي تحت
مثل وجه الصداقه في ثياب الخصوم
ان تطيبت طابت وان جرحت اجرحت
خصها الله بوصف من خيال معدوم
لا اذان اسمعت به ولا عيون المحت
كن ربي خلقها من بياض الغيوم
ومن كفوف السحابه بالورد القحت
عن سواها فرقها بالقمر والنجوم
وكل عذره تباها بالجمال انزحت
باحلا هي كوم وباقي الناس كوم
كفتن عادلوها بالبشر وارجحت
حسبي الله على الي ما بقاها تدوم
من بعد كيف كانت شوف كيف اصبحت
لا تحقق وصال ولا فراق محتوم
خطتن قربتني للفشل وانجحت
لعنت العشق تبقى مثل ضرب السهوم
لو محى الوقت جرحه طعنته ممحت
كيف ابنسى وانا اللي من جفاف السموم
ما حشمت العيون ولا الدموع افلحت
كانها بلحميه كل ربعي يقروم
لو يلدون لصعاب الظروف اصلحت
اجز من كنت يا قلب شجاع وجزوم
لد لعيون بنت لا التفت الفحت
ما تهين البخيل الا يدين الخدوم
دام كف الخطايا بالجفا لوحت
نطح الباس باس ونطح الوم لوم
ون تهدت تهد وصيح ان صيحت
يا تعيش بمعزه يا تموت امحشوم
ودك ان الليالي لا فعلت امدحت
عمر ضعف الاراده ما يسر الضخوم
ضربت السيف لو بد الشجاع اذبحت